Gʉ tʼá Po, ʉna thubá pató dʼám gʉ na mʉ́ ʉna pɨsá akʼʉyɨ́khɨtɨ́ jétʼétʼé. Tan nɨ́ ʉna juga gá nathubá-pató-dʼám (demonstratives) Mʉ́ dʼám to pa mʉ́ i to pen, iyi pɨsá ta -ɨ́no (tʼá Pamé ta -hɨ́ye). Mʉ́ dʼám to pa mʉ́ sɨtháy es, iyi pɨsá ta -ɨ́nɨ (tʼá Pamé ta -hɨ́nʉ). Mʉ́ dʼám to pa mʉ́ sɨtháy es asɨman, iyi pɨsá ta -ɨ́nɨ tirí (tʼá Pamé ta -hɨ́nʉ toro).
7.5 Mʉ́ jétʼétʼé kot pa dʼyan, gɨ́ ana gut tan gʉ kʼʉ́sʉ́khátá-tʼa, gɨ́ kʼʉ́sʉ́n tʼíkʼes (agé « pi », wala « ku », wala « pa ») tan gége: Yalá kʼʉ́sʉ́khátá-tʼa je sʉkʼá (i → ii, u → uu, e → ee, o → oo). « a », án walɨ́ gá « e » (a → ee). Pachá « ɨ́ » uphí, tʼakʼá bʼílíkʼʉ́sʉ́n abesɨ́ igutí kʼʉ́sʉ́khátá-tʼá jétʼétʼé.
